ВИДЕО Билбао го декласира Атлетико Мадрид и се пласира во финалето на „Копа дел Реј“

Го дознавме и вториот финалист во „Копа дел Реј“, фудбалерите на Атлетик Билбао и по втор пат го совладаа Атлетико Мадрид.

По гостинскиот триумф од 1:0, на реваншот играчите на тренерот Ернесто Валверде со 3:0 ги надигра „јорганџиите“.

На стадионот „Сан Мамеш“ во Билбао по еден погодок запишаа И. Вилијамс во 13, Н. Вилијамс во 42 и Гурузета во 61 минута.

Противник на Атлетик во борбата за титулата во натпреварувањето ќе биде екипата на Мајорка која го елиминираше Реал Сосиедад.

Финалето меѓу Мајорка и Атлетик Билбао ќе се игра на 6 април во Севиља.