Видал за тужбата: Тоа што го прави Барселона не е фер

Oткако се појави информацијата дека Артуро Видал ја тужел Барселона се огласи и самиот Чилеанец.

Ситуацијата на Видал во Барселона е прилично сложена, а тој ги тужел Каталонците поради неисплатени бонуси. Наводно станува збор за сума од 2.4 милиони евра.

Меѓутоа, многумина веруваат дека парите не се проблем и дека Видал го прави ова за да издејствува трансфер во јануари.

Видал јавно порача дека според него не е фер она што му го прави Барселона.

„Мислам дека не е фер клубот да не одговара на моите финансиски барања. Јас не сум одговорен за тоа, мојот менаџер и моите адвокати се грижат за таа работа“, изјави Видал.

Чилеанецот доби и прашање за потенцијалниот трансфер.

„Тоа е тема за која ќе зборувам кога ќе се вратам во Шпанија. Сега сум на одмор“, одговори Видал.