Вечерна „бомба“ на „Марка“: Трансферот на Азар е договорен!

Веќе долго време се шпекулира за потенцијалното заминување на првата ѕвезда на Челзи Еден Азар во редовите на шпанскиот гигант Реал Мадрид.

Азар никогаш не ја криел желбата да го носи дресот на „кралевите“, а веќе одби и неколку понуди од „сините“ за продолжување на договорот. Дополнително гласините за негово преминување во Мадрид беа зголемени кога Зинедин Зидан се врати на клупата, Французинот е фудбалскиот идол на Зидан.

Зидан исто така е фан на стилот на игра на Белгиецот и е убеден дека совршено ќе се вклопи во неговиот систем на игра.

Вечерва „Марка“, пред околу еден час лансираше вистинска „бомба“ која ќе ги израдува навивачите на Реал кој го исчекуваат трансферот на Азар во Реал.

Имено, реномираниот медиум пишува дека претходно бил постигнат договор помеѓу клубот и играчот, а сега „паднал“ договор и помеѓу клубовите.

Детали од договорот и суми засега не се откриваат, но се претпоставува дека сумата изнесува околу 100 милиони евра. Значи, ако и веруваме на „Марка“ која важи за еден од најреномираните и најпознатите медиуми во светот, а покрај тоа е и блиска до тимот на Реал – се е готово и се чека само официјална потврда.

Така многу веројатно Азар ќе биде изгледа првата поголема ѕвезда која на лето ќе слета во Мадрид, останува времето да покаже дали ќе има уште некоја.

El futuro de Hazard y del Real Madrid pueden quedar unidos de manera definitiva en los próximos días. El belga tiene previsto visitar la capital de España próximamente https://t.co/fIbjeIqaXc

— MARCA (@marca) April 5, 2019