Ветеранот на Милан: Икарди во Реал? – Уште денес можам да ви потврдам дека тоа ќе се случи!

Познатиот фудбалер на Милан е убеден.

Капитенот на Интер, Мауро Икарди оваа сезона игра одлично зад неговото име има 13 погодоци на 13 натпревари во оваа сезона. Но веќе во следната тој би можел да се пресели не било каде туку во Реал Мадрид, тврди Даниеле Масаро.

„Уште денес можам да ви потврдам дека Мауро Икарди од следната сезона ќе биде замената за Карим Бензема во Реал Мадрид“, изјави Масаро.

Навивачите на Интер оваа изјава ја сметаат само како обид на Масаро да внесе немири во нивните редови, со оглед на тоа што тој некогаш го носеше дресот на нивниот голем ривал.

Масаро оваа тврдење го изнесе јавно на телевизиска програма во Италија.

Да потсетиме, Мауро Икарди во минатото како 15 годишник започна во школата на Барселона, „Ла Масија, но во 2011 година беше продаде на Сампдорија за сума од скромни 400.000 евра. Две години подоцна премина во Итер за 13 милиони евра, а за „нероаѕурите“  до овој момент веќе одигра 159 натпревари и постигна 91 погодок иако има само 24 години.