Венгер пред историската ноќ на Енфилд: Единствениот стадион каде не сакате да играте реванш

Фудбалскиот свет е се уште во неверување поради она што синоќа се случи на Енфилд.

Барселона успеа да ја прокоцка предноста од три гола и со пораз од 4:0 испадна во полуфиналето на ЛШ.

Така, Црвените на 1. јуни во Мадрид ќе имаат шанса да се борат за трофејот, а интересно е што легендарниот менаџер на Арсенал, Венгер не го отпиша Ливерпул пред почетокот на натпреварот.

Како гостин коментатор на beIN Sport францускиот стручњак објасни зошто Ливерпул има толку успеси во Европа и предвиде што ќе се случи против Барселона.

„Секој гол кој го примите дома е смртоносен. Затоа голот во гости е многу важен. Ливерпул е силен таму каде Барселона е слаба. Ливерпул лесно постигнува погодоци, а ако не постигнете против Барса, сами на себе сте виновни. Но, и Барселона знае да постигнува голови, не го забораваме тоа.“ – изјави Венгер и додаде:

„Ливерпул не ја освоил титулата 30 години, но во Европа добро им оди. Зошто? Енфилд. Домашниот терен. Енфилд е единствениот стадион каде не сакате да играте реванш, бидејќи атмосферата таму е навистина посебна.“

Wenger before Liverpool vs Barcelona second leg: “Anfield is the only place you don’t want to go to for the return leg…”

He wasn’t kidding. pic.twitter.com/dhlBBlng52

— Fada. (@HasynO4) May 7, 2019