Венгер: Идната недела на разговори со Баерн

Баварците се во интензивна потрага за нов тренер откако Нико Ковач заработи отказ.

Жозе Мурињо долго се поврзуваше како прв фаворит за испразнетото место, во игра беше и Тухел, но медиумите во Германија најголеми шанси му даваат на поранешниот менаџер на Арсенал, Арсен Венгер.

Иако се мислеше дека тоа се само шпекулации, Венгер тоа го отфрли и во разговор за британските медиуми потврди дека не е исклучена можноста токму тој да седне на клупата на Баерн.

„Румениге ме побара во средата попладне, но не можев веднаш да се јавам, му се извинив и го побарав подоцна. Во тие моменти веќе беше во автомобилот со кој патуваше на натпреварот против Олимпијакос. Разговаравме четири-пет минути и ме праша дали сум заинтересиран за работа во Баерн, што за мене беше изненадување. Му реков дека не сум размислувал за тоа и дека ми треба малку време да размислам.“ – изјави Венгер и додаде:

„Се договоривме да разговараме следната недела, бидејќи сум во Доха до недела. Тоа е вистината.“