Венгер бил на чекор до третото ГОЛЕМО засилување, но…

Арсенал значително се засили во зимскиот преоден рок и ги донесе Хенрих Михтаријан и Обамејанг, но Венгер сакал и едно засилување во одбраната.

„Скај Спорт“ открива дека лондонскиот тим во последниот ден од преодниот рок испратил понуда за дефанзивецот на Рома, Костас Манолас.

Меѓутоа, раководството на „волчицата“ експресно ја одбило понудата, најмногу поради фактот што немале време да најдат замена за грчкиот репрезентативец.

Сепак, се очекува „топџиите“ на лето да тргнат по 26-годишниот дефанзивец кој е мета на многу европски гиганти.

Откако не успеале да го донесат Манолас, „топџиите“ во последен момент испратиле понуда до ВБА за Џони Еванс, но и тој обид бил неуспешен.