ВАР е нешто друго во Јужна Америка: Бразил доби пенал после пет минути прекин (ВИДЕО)

Репрезентацијата на Бразил вчера ја победија Боливија со 3:0 во првиот натпревар од Копа Америка.

„Кариоките“ на одличен начин ја отворија Копа Америка и лесно стигнаа до победа против Боливија. Бразил доминираше во текот на целиот натпревар и на крајот заслужено славеше со 3:0.

Боливија некако ја чуваше мрежата до 50-тата минута, но тогаш Кутињо постигна гол од пенал за 1:0 и играта на оваа селекција се распадна.

Но, тој пенал е нешто за кое ќе се зборува. Имено во 46-тата минута Жусино играше со рака во својот шеснаесетник, а судијата Нестор Питана само одмавна со раката.

Меѓутоа, Бразилците веднаш се жалеа и бараа да се прегледува ВАР, Питана тоа и го направи. Но, неверојатно е дека целата таа ситуација со ВАР траеше пет минути.

Откако не успеа да се сложи со помошниците од ВАР собата Питана отиде да погледне спорниот момент и одлучи да ја промени одлуката. Сепак, впечаток е дека таа одлука можеше да биде донесена за минута или две, а не за скоро пет.