Ван Нистелрој експресно се враќа на работа?

Според последните информации од Островот, Руд Ван Нистелрој би можел многу брзо да се врати на работа.

Островските медиуми пренесуваат дека Ван Нистелрој е еден од главните кандидати за тренерската позиција во редовите на Барнли од Чемпионшип. Се поврзуваше Ван Нистелрој со овој клуб и во текот на летото, но тогаш клубот го назначи Скот Паркер.

Со Паркер на клупата Барнли имаше добар старт, но потоа дојде до одреена криза и тоа го зголеми притисокот од навивачите.

Во последните пет кола Барнли има само една победа, а во последните 13 натпревари тимот постигна девет гола и падна на четвртата позиција на табелата со четири бода помалку од Сандерленд и Шефилд.

Ќе потсетиме Ван Нистелрој одлично си ја заврши работата и во четири натпревари колку што беше на клупата на Манчестер јунајтед оствари три победи, додека една средба заврши без победник.