Македонскиот шампион Вардар денес објави дека го комплетирал стручниот штаб со белгискиот тренер Стефан ван дер Хејден, и тренерот на голманите Мане Манев.
Стефан ван дер Хејден ќе му биде асистент на Чедомир Јаневски на клупата на нашиот тим. Тој во минатото работеше како помошник во екипите на Бриж, Локерен и Беверен. Во играчката кариера Ван дер Хејден играше во неколку белгиски клубови, а беше дел и од белгиската репрезентација.
Кој ќе тепа на Ел Класико!? ↓↓↓
Мане Манев во иднина ќе работи со голманите на Вардар. Манев беше тренер на голмани во многу екипи во Македонија, а до сега работеше во младинските категории на „црвено-црните“. Во минатото беше дел од стручниот штаб на националниот тим на Македонија.
Дел од стручниот штаб на Вардар и понатаму остануваат Александар Влахо, Александар Васоски и Михајло Костиќ, додека досегашниот тренер на голманите, Саша Илиќ го напушти клубот.
Учество во игри на среќа е дозволено за лица со 18+ години. Играј одговорно!