Ван Дајк објасни зошто не го славел првиот гол на Ливерпул против Сити

Ливерпул во неделата на „Енфилд“ во големото дерби го победи Манчестер Сити со 3:1.

„Црвените“ до водство стигнаа уште во 6-тата минута кога Фабињо погоди со удар од далечина, тогаш разбирливо следуваше големо славје на навивачите на овој клуб. Само 20-тина секунди претходно Трент Александер Арнолд играше со рака во својот шеснаесетник, а играчите на Сити бараа пенал.

Поради тоа Ван Дајк беше единствениот фудбалер на Ливерпул кој не го прослави голот и чекаше потврда од ВАР дека се е регуларно.

„Сега знаете дека за секој гол морате да почекате пред да славите, па затоа и јас не славев. На крај ВАР за наша среќа го потврди голот“.

„Мислам дека видов како Бернанрдо Силва прв игра со рака, а можеби и Трент ја удри. Што да кажам? Може многу да се зборува, меѓутоа ако ВАР потврди тогаш морате да ја прифатите таа одлука каква и да е“, изјави стоперот на Ливерпул.