Валенсија се вклучи во трката за Фабрегас

Валенсија покажува сериозен интерес за Цеск Фабрегас чии договор со Челзи истекува на крајот на сезоната, пренесуваат шпанските медиуми.

Меѓутоа, Милан важи како фаворит за неговиот потпис бидејќи е во поодминати преговори со играчот и со Челзи. „Росонерите“ го сакаат Шпанецот во зимскиот преоден рок и се спремни да платат симболична сума за трансферот.

Од друга страна Валенсија сака да го донесе Фабрегас следното лето како слободен агент и внимателно ја следи неговата ситуација.

Вчера менаџерот на Челзи, Маурицио Сари изјави дека Фабрегас му е потребен и дека сака да остане на „Стенфорд Бриџ“ до крајот на сезоната.

Фабрегас исто така има понуди од Кина и САД, но Шпанецот преферира да остане во Европа.

https://youtu.be/-iqiwTjdxiw