Валверде не размислува за оставка: Гледам само напред!

Тренерот на Барселона, Ернесто Валверде изрази разочарување од поразот на неговиот тим на гостувањето кај Леванте (3:1).

Ова е трет пораз на Барселона од почетокот на сезоната, а Валверде е лут на своите играчи кои допуштија два гола за две минути.

„Да се ​​примат два гола за две минути е многу болно. Со резултат 2:1 бевме уште во игра, ни требаше само еден гол за реми. Но резултатот 3:1 не сруши. Посебно по поништениот гол на Меси“, изјави Валверде.

„Имаме одредени проблеми на гостински натпревари. Дома играме добро, но на гости играме така што мора да се мачиме. Во првото полувреме, повеќе или помалку го контролиравме натпреварот. Не размислувам за оставка, само гледам напред“, додаде Валверде.