Бројките велат: Мбапе на ЕП беше ужасен!

Репрезентацијата на Шпанија се пласираше во финалето на Европското првенство откако во Минхен славеше со 2:1 против Франција. Французите први постигнаа гол преку Коло Муани, додека Шпанците преку Јамал и Олмо направи пресврт.

Килијан Мбапе беше асистент при голот на Муани, меѓутоа во останатиот дел од играта не придонесе многу како и во текот на првенството.

Мбапе на турнирот постигна само еден гол и тоа од пенал, а исто така таа асистенција до Муани му беше единствената.

Од игра Мбапе на првенството имал 24 удари кон противничкиот гол и 46 допири во шеснаесетникот, меѓутоа и тоа не му беше доволно да погоди од игра. Дефинитивно разочарувачки бројки за играчот од кого во Мадрид очекуваат многу по трансферот од ПСЖ.