Британците им се заканиле на клубовите: Секој кој ќе игра во Суперлигата ќе биде исфрлен од Премиер лигата!

Во текот на денот конечно беше решен спорот околу евентуалното формирање на Суперлигата за најбогатите клубови кои имаа проблеми со УЕФА и ФИФА. Судот во Луксембург пресуди, а двете најголеми фудбалски организации немаат право да ги казнуваат клубовите кои би учествувале.

Сепак, работата на почетокот не се одвива онака како што сакаат основачите, со оглед на тоа што доста голем број клубови веќе го откажаа учеството меѓу нив се: Црвена Звезда, Севиља, Атлетико Мадрид, Баерн Минхен, Манчестер Јунајтед, а сега се огласи и Премиер лигата.

Соопштението за најсилната лига во светот Премиер лигата го пренесуваме во целост.

„Премиер лигата ја забележа денешната пресуда на Европскиот суд во Луксембург, која беше значајна, но сега целосно ќе ги испитаме импликациите за самата игра. Оваа пресуда не поддржува „европска суперлига“ и Премиер лигата продолжува да го отфрла таквиот концепт. Навивачите се од витално значење за играта и повеќепати јасно го кажаа своето противење на ова „отфрлено“ натпреварување кое ја прекинува врската меѓу домашниот и европскиот фудбал. Премиер лигата ја повторува својата посветеност на јасните принципи на отворено натпреварување, кои се во основата на успехот на домашните и меѓународните клупски натпреварувања.

Фудбалот почива на конкурентноста која се создава со промоција и испаѓање, односно годишни квалификации за домашните лиги и купови за меѓународни клупски натпреварувања и долготрајни ривалства и ритуали кои ги придружуваат викендите резервирани за домашниот фудбал. Овие принципи се вткаени во Повелбата на сопствениците на Премиер лигата, воведена во јуни 2022 година, која има за цел да ја подобри колективната сила и конкуренцијата на Лигата во најдобар интерес на пошироката игра. Од 2021 година, Премиер лигата заедно со другите фудбалски управни тела, исто така, ги зајакнаа своите правила и управување во оваа област.

Премиер лигата ќе продолжи да се вклучува во отворен и конструктивен дијалог со сите релевантни фудбалски чинители за тоа како најдобро да се заштити и подобри комплементарниот баланс на домашниот и меѓународниот фудбал.

Англискиот фудбал има проблем со Суперлигата, па затоа се прави реформа во која британската влада забранува да подели лиценци на тимовите кои ќе играат во Суперлигата, а тоа значи дека ќе бидат исфрлени од Премиерлигата.

Оваа реформа била најавена уште во 2021 година кога шест англиски гиганти сакаа да се приклучат на Суперлигата, која вети атрактивни натпревари и поголема финансиска поддршка.