Брендан Роџерс: Не би се изненадил доколку ПСЖ игра во финалето

Тренерот на фудбалерите на Селтик, Брендан Роџерс го констатираше она што сите го забележаа во вчерашниот натпревар помеѓу ПСЖ и Селтик.

Роџерс истакна дека Французите биле многу подобар тим и заслужено славеле победа од 1:7.

„Поразот е навистина болен. Примивме седум голови и против Барселона, но сметам дека во Париз имавме и добри моменти. Морате да се воодушевувате на квалитетот на ПСЖ. Игравме со петмина во одбрана, што уште требаше да направам: Понекогаш морате да признаете дека се многу поквалитетни. Нашите играчи се трудеа, но и грешеа“, изјави Роџерс.

На Селтик во последното коло на почетокот на декември ќе му биде потребна победа или бод против Андерлехт за да продолжи да настапува во Европа и на пролет, но преку Лигата на Европа.

„Секогаш не напаѓаа и постигнаа прекрасни погодоци. Секако дека сме разочарани. Сепак, знаеме дека игравме против еден од најдобрите тимови во Европа и не би се изненадил доколку ги гледаме во финалето“, додаде Роџерс.