Бразилецот кој го бара половина Европа се сели во Наполи

Наполи покажува силен интерес за напаѓачот на Гремио и бразилски репрезентативец, Евертон, пренесуваат италијанските медиуми.

Наполи е во потрага по крилен напаѓач, а прва желба на Гатузо е Евертон кој сакаше да го донесе Бразилецот уште додека беше тренер на Милан.

Извршниот директор на бразилскиот клуб, Клаус Камара, го потврди интересот за Евертон, но истакна дека се уште не пристигнала официјална понуда.

23-годишниот напаѓач веќе подолго време е на радарот на многу европски клубови, а Гремио за неговата слобода бара мнајмалку 40 милиони евра.

Тој веќе дебитираше за бразилската репрезентација и важи за еден од најголемите таленти во Јужна Америка.