Борусија спремна да го продаде Санчо, на потег е Јунајтед

Челниците на Борусија Дортмунд се подготвени да преговараат за трансферот на крилниот напаѓач Џејден Санчо ова лето.

Германците се подготвени да се разделат со својата ѕвезда доколку добијат примамлива понуда, тврдат медиумите на Островот.

Најсериозен интерес за Санчо покажува Манчестер Јунајтед. И самиот фудбалер е подготвен да премине на „Олд Трафорд“, но има еден услов. Тој сака да види дали „црвените ѓаволи“ можат да обезбедат место во ЛШ следната сезона.

Во меѓувреме, Дортмунд веќе работи на пронаоѓање замена за Санчо и ги започна преговорите со Милот Рашица од Вердер Бремен. Клубот го привлече и младиот Белингем, кој исто така ќе добие шанса во првиот тим.

Од „Олд Трафорд“ се надеваат дека ќе го земат играчот за сума од околу 55 милиони евра, и се подготвени да додадат дополнителни клаузули за да формираат вкупна сума од 80 милиони.