„Бомба“ од Париз – Заврши уште една голема сага во ПСЖ

Францускиот шампион ПСЖ конечно успеа да го комплетира трансферот на Усман Дембеле од Барселона. Извори блиски до шампионот во Лига 1 ја потврдија оваа вест.

Усман Дембеле по шест години ја напушта Барселона и кариерата ја продолжува во францускиот шампион ПСЖ со кој потпиша петгодишен договор.

Сагата околу неговиот потпис траеше доста долго, но синоќа трансферот беше потврден од повеќе извори.

Останува уште официјална најава за трансферот, а тоа би можело да се случи веќе денеска, а играчот треба да биде претставен пред навивачите на мечот со Лориен.

26-годишниот Дембеле не се прослави во редовите на каталонскиот гигант во изминатите шест години, па многумина сметаат дека човекот платен 140 милиони евра е најголемиот неуспех досега.

Повредите го уништија. Не успеа да покаже се што знае, но и покрај сите повреди успеа да одигра 185 натпревари во претходните шест години. Тој постигна учинок од 40 гола и 43 асистенции.

Барса на неговиот трансфер ќе инкасира „само“ 25 милиони евра, а дополнителни 25 милиони од ПСЖ ќе поделат играчот и неговиот агент Муса Сисоко.

PSG sources confirm Ousmane Dembélé finally signed the contract as new Paris Saint-Germain player until June 2028 🔴🔵🇫🇷

— Fabrizio Romano (@FabrizioRomano) August 11, 2023