„Бомба“ од Апенините: Јувентус спреми понуда за Мбапе која не се одбива

Килијан Мбапе ќе биде „најжешка“ трансфер тема следното лето бидејќи се очекува да го напушти Пари Сент Жермен.

Реал Мадрид веќе долго време работи на трансферот и важи како фаворит за потписот на младиот Французин, но сега „кралевите“ добија жестока конкуренција.

Имено, италијанските медиуми тврдат дека Јувентус следното лето нема да жали пари за да го донесе Мбапе во Торино.

Според информациите на „Тутоспорт“ и „ЕПН“, Јувентус е спремен да понуди фантастични 400 милиони евра за услугите на Килиан Мбапе.

Јувентус е спремен да се откаже од својата ѕвезда Кристиано Роналдо, кој би можел да заврши токму во ПСЖ како замена за Мбапе.

Следната година, Роналдо ќе има 36 години и ќе остане само уште една година од договорот, според кој добива 31 милиони евра годишно. Медиумите тврдат дека „старата дама“ е спремна на Мбапе да му понуди годишна плата од 45 милиони евра плус бонуси.

Сето ова покажува дека Мбапе ќе биде главна тема следното лето, бидејќи покрај Реал и Јувентус, и Ливерпул исто така ја следи ситуацијата.