„Бомба“: Лукаку се договори со Милан

Италијанските медиуми лансираа вистинска „бомба“ и пренесуваат дека Ромелу Лукаку кариерата ќе ја подолжи во Милан.

Рома нема да може да го откупи, а јасно е дека во Челзи за него нема место, па Лукаку е во потрага по нов клуб.

Последните информации се дека веќе постигнал договор со Милан, кој е во потрага по врвен напаѓач за следната сезона.

„Росонерите“ се блиску до договор и со Челзи, па се очекува трансферот да биде договорен за 25 милиони евра со вклучени бонуси.

Лукаку веќе ја известил управата на Рома, која нема финаниска можност да го откупи и ќе се раздели со него на крајот на сезоната.