„Бомба“: Интер сака да го „украде“ Дибала

Италијанските медиуми лансираа вистинска „бомба“ и тврдат дека Интер ќе се обиде да ја донесе ѕвездата на Јувентус, Пауло Дибала.

„Газета дело Сппорт“ пренесува дека директорот Бепе Марота, кој е бивш директор на Јувентус, ќе се обиде да го донесе Дибала како слободен агент на Џузепе Меаца.

Иднината на Пауло Дибала во Јувентус е неизвесна бидејќи неговиот договор истекува на крајот на сезоната. Аргентинецот беше подготвен да го продолжи договорот, но Јувентус ги промени условите, па сега фудбалерот е спремен да замине.

Марота сака да го убеди Дибала да се пресели во Интер, иако платата од 10 милиони евра сигурно би била проблем за „нероаѕурите“.

Меѓутоа, Дибала преферира преселба во друга лига доколку го напушти Јувентус на крајот на сезоната.