„Бомба“: Бензема може да се пресели во Серија А

Еден од најважните играчи на „кралевите“, Карим Бензема се уште не ставил потпис на нов договор.

Францускиот напаѓач има право да преговара со други клубови, бидејќи влезе во последните шест месеци од актуелниот договор.

35-годишниот напаѓач му дава предност на Реал Мадрид, но не ја исклучува можноста за нова авантура во кариерата.

Рома сака да ја искористи ситуацијата и Мурињо веќе стапил во контакт со Бензема да го убеди да се пресели во Рим.

Бензема оваа сезона има постигнато 19 гола на 29 меча и негова желба е сепак да остане во Реал Мадрид уште една сезона, но не е исклучена можноста за трансфер.