Боатенг на излезна врата од Баерн – два гиганти го чекаат со раширени раце

После цели осум години, Жером Боатенг најверојатни ќе го заврши својот престој во Баерн Минхен на крајот на сезоната.

Искусниот дефанзивец оваа сезона го загуби местото во стартниот тим, а покрај тоа беше изоставен од националниот тим.

Боатенг призна дека размислува за нов предизвик во кариерата и сака да си замине со освоена титула во Бундеслигата.

„Сакав да заминам уште минатото лето, но тогаш Баерн не ме пушти. Скоро во сите сезони кариерата ми одеше на горе, но оваа сезона воопшто не ми е лесно. Имав многу тешки моменти. Се уште не знам со сигурност дали ова е посладната моја сезона во Баерн, но ако е така сакам да си заминам како шампион на Германија“, изјави 30-годишниот дефанзивец.

Минатото лето Баварците му поставија цена од 50 милиони евра, но никој од заинтересираните клубови не сакаша да ја плати таа сума.

Германските медиуми пренесуваат дека дефанзивецот ова лето може да си замине за 30 милиони евра, а интерес за неговиот потпис покажуваат ПСЖ и Јувентус.

И двата клуба ова лето ќе се борат за неговиот потпис, па останува да видиме дали Германецот ќе ја продолжи кариерата во Париз или во Торино.