Битолчани лути на Цапар: Има место за четири голамни, а нема за ниту еден играч на Пелистер?!

Репрезентацијата на Македонија до 21 година одигра натпревар против Кипар, а за два дена ќе се сретнеме со репрезентацијата на Србија.

На битолската Фејсбук странива „И моето дете ќе навива за Пелистер“ која постојано објавува информации за клубот изразуваат револт што селекторот Драган Канатларовски во составот има дури четири голмани, а нема ниту еден играч од Пелистер.

„Селекторот Драган Канатларовски во својот состав повторно не најде место за ниту еден пелистерец. Иако Канатларовски пред неколку натпревари во живо на стадионот под ,,Тумбе Кафе” ги следеше натпревар на Фк Пелистер, каде одличен натпревар одиграа Бојан Стефановски и Никола Наумоски кои се двата стандардни во тимот на Марјан Секуловски, сепак се чини и тоа не е доволно за се добие повик од селекторот Канатларовски.

Во повиканите има дури 4ца голмани, со цел респект према сите дечки, но таму се наоѓаат и голманот на Тетекс, како и голманот на Беласица. Има место за 4ри голмани, а нема место за Стефановски и Наумоски. Дали некој во ФФМ го следи овај циркуз или и за ова се има амин?“, стои во нивната објава.

Фото: ФФМ