Бивши играч на Атлетико: Нема да лажам, не заминав во Кина поради фудбал

Поранешниот играч за врска на Атлетико Мадрид, Аугусто Фернандес откри дека не заминал да ја продоли кариерата во Кина од фудбалски причини.

„Нема да лажам, не отидов во Кина поради фудбалски причини. Имав уште две години од договорот со Атлетико и Симеоне ме сакаше. Пресудни беа финансиските аспекти“, изјави Аргентинецот.

„Кинескиот фудбал многу се потценува. Луѓето мислат дека играме со книжна топка. Кинескиот фудбал е брз и динамичен. Тука ми е добро, имам пријатели, сега отворив и ресторан“, додаде 34-годишниот Фернандес.