Бекам пред реваншот во Париз: Тешко е да се каже кој ќе победи, тоа ќе биде спектакл

Дејвид Бекам нема да го пропушти реванш натпреварот од 1/8 финалето во Лигата на шампионите помеѓу Пари Сен Жермен и Реал Мадрид, двата клуба во кои некогаш настапуваше.

Бекам за Реал Мадрид потпиша во 2003 година, а до 2007 година освои два трофеи, титулата шампион на Шпанија и шпанскиот Суперкуп.

Потоа го носеше дресот на Л.А Галакси, Милан, па во 2013 на Пари Сен Жермен. Одигра една солидна сезона ја освои титулата во француското првенство и ја заврши кариерата.

„Тоа ќе биде вистински спектакл! Тешко да се одлучи кој ќе победи. Во Реал поминав четири прекрасни години, а во ПСЖ не се задржав долго. Секако, ги сакам и двата клуба, нивните навивачи и страста“, зборуваше Бекам.

„Паркот на принцовите“ од поодамна е распродаден и едно е сигурно реваншот ќе биде полн со возбудвања.