Без Миовски и Алиоски против Азербејџан: Ова ќе биде одличен тест!

Македонската фудбалска репрезентација утре ќе го одигра последниот меч за оваа календарска година, против Азаербејџан на арената „Тодор Проевски“.

Селекторот Благоја Милевски нема да смета на напаѓачот Бојан Миовски и дефанзивецот Езѓан Алиоски.

„Желбата беше до почеток на евроквалификациите низ овие мечеви да се согледаат сите слабости во играта и да се искреира тимот кој ќе го понесе потоа товарот во следниот циклус. Затоа избравме силни противници, за да увидиме се и максимално да се подготвиме за сите можни варијанти за квалификациите“.

„Финска бешеодличен тест од вториот барабан, Азербејџан е одличен колектив кој ќе ни овозможи исто така квалитетен тест. Ќе има промени во составот во однос на тој со Финска, имаме добра анализа за противникот и сите веруваме дека ќе дојдеме до позитивен резултат на утрешниот меч“, изјави селекторот Милевски.