Барселона ја одреди цената на Мориба

Изгледа дека само прашање на време е кога младиот талент Илаиш Мориба ќе ја напушти Барселона.

Овој 18 годишен играч за врска во вториот дел од сезоната доби прилика да дебитира и одигра солидно. Сепак, неговиот статус во клубот во последните недели се промени затоа што одби да го продолжи договорот кој му истекува летото 2022 година.

Каталонските медиуми потврдија дека менаџерите на Мориба не одговориле на последната понуда за продолжување на соработката.

Во исто време, тие откриваат дека пристигнала понуда од Челзи, кој е подготвен да испрати трипати поголема плата за дијамантот од „Ла Масија“.

Барселона не сака да го загуби талентот без обештетување и сака да го продаде ова лето, па за неговиот потпис бара 20 милиони евра.