Барселона ја започна мисијата за Де Лихт – Ајакс бара цело „богатство“

Младиот дефанзивец на Ајакс, Матијас де Лихт со своите игри во клубот и репрезентацијата го привлече вниманието на европските гиганти.

Конкуренцијата е огромна, па затоа Барселона веќе ја започна мисијата за потписот на 19-годишниот Холанѓанец. Имено, техничкиот директор на Каталонците, Ерик Абидал отпатувал во Амстердам на средба со дефанзивецот.

Барселона не сака да ја пропушти шансата да го донесе еден од најперспективните дефанзивци на „Камп Ноу“, па веќе го контактирале и неговиот менаџер Мино Раиола, кој пак им соопштил за силниот интерес од страна на Јувентус.

Абидал ќе се обиде да разговара со Де Лихт и неговото семејство со цел да го убеди да ја одбере Барселона пред останатите клубови.

Каталонците се заинтересирани и за Френки де Јонг, но Ајакс за двајцата фудбалери бара 140 милиони евра (75 за Де Јонг и 65 за Де Лихт).

Ajax have set Matthijs De Ligt's price at €65m and Frenkie de Jong's price at €75m. Barcelona have been heavily linked with both. (Source: Mundo Deportivo) pic.twitter.com/KUwq11BUhg

— Transfer News Live (@DeadlineDayLive) November 28, 2018