Барселона сака да ги намали платите за 30%

Раководството на Барселона наскоро ќе има состанок на кој ќе одлучува за намалување на платите на фудбалерите поради пандемијата од коронавиросот.

Според каталонските медиуми Бартомеу лично ќе разговара со играчите на таа тема за да не дојде клубот до финансиски потешкотии.

На „Камп Ноу“ не гледаат начин како ќе биде исполнет планираниот буџет од 1,047 милијарда евра. Дури и приходите од ТВ правата да останат исти, со сигурност преостанатите натпревари ќе се играат без публика, а тоа се огромни загуби.

Платите на фудбалерите претставуваат точни 61% од буџетот на каталонскиот клуб, па поради тоа клубот размисува да ги малаи за 30%.

Секако, најпогоден од оваа одлука ќе биде Лионел Меси, кој со вклучени бонуси заработува 50 милиони евра по сезона.