Извршниот директор на Барселона, Оскар Грау потвди дека каталонскиот клуб направил се што е во нивна моќ за да го врати Нејмар на „Камп Ноу“.
Нејмар беше во центарот на вниманието во текот на целото лето бидејќи настојуваше да се врати во Барселона.
Кој ќе тепа на Ел Класико!? ↓↓↓
Барса исто така имаше желба да го врати Бразилецот и водеше долги преговори со ПСЖ, но на крајот двете страни не постигнаа договор.
„Вложивме големи напори за да го доведеме Нејмар. Направивме се што можевме, испративме две понуди – во едната беа вклучени и други играчи, но добивме впечаток дека ПСЖ никогаш не сакаше да го продаде“, изјави Грау.
„Ние не сакаме да ја изгубиме контролота. Сакаме да имаме најсилен тим, но сакаме и да биде одржлив на долги патеки“, додаде директорот на Барса.