Каталонците го сакаат десниот бек по секоја цена, а подготвени се и за размена на играчи.
Хектор Белерин е првата цел на Барселона за овој трансфер период, но сега Шпанецот е далеку од потпис.
Кој ќе биде новиот шампион, Сити или Арсенал? ↓↓↓
Арсен Венгер не сака така лесно да се откаже од својот првотимец за кого бара минимун 50 милиони евра. Сепак, Барселона би можела да има адут во своите раце, а во прашање е Арда Туран, големата желба на Арсенал.
Каталонските медиуми пренесуваат дека Барса би можела да му понуди на Арсенал размена и да го испратат Туран во Лондон, само за да го добијат потписот на Белерин.
Потсетуваме, алтернатива за Белерин е Нелсон Семедо од Бенфика и јасно е дека Барса ова лето ќе мора да ја засили критичната позиција во тимот по заминувањето на Дани Алвеш во Јувентус. Тука сега се Серхио Роберто и Алеиш Видал, но тие не се покажаа како најдобро можно решение оваа сезона.