Барселона има нова мета од 100 милиони евра?

Германскиот „Спорт“ пренесува изненадувачка вест дека Барселона се вклучила во трката за Каи Хаверц од Леверкузен.

Барселона во последниот период најмногу се поврзуваше со Лаутаро Мартинез и Нејмар и тоа се играчи за кои би требале да издвојат веројатно над 100 милиони евра, ако нема размена на на играчи.

Сега Германците тврдат дека и Хаверц се нашол на радарот на Каталонците. Меѓутоа Баер за својот најдобар играч бара 100 милиони евра. Барселона и тука сигурно ќе се обиде да ја намали цената и да вклучи некој играч. Наводно понуден е Емерсон кој оваа сезона игра на позајмица во Бетис, а се споменуваат уште Карлос Алења и Марк Кукурела.

Хаверц е 20 годишен играч за врска , неодамна изјави дека е спремен да го напушти Баер за да направи нов чекор во кариерата. Освен Барселона го следат уште Реал, Манчестер, Челзи и Баерн. Сезонава постигна 10 голови и 8 асистенции.