Дома Фудбал Барселона играше пријателски натпревар против Висел Кобе – се беше во знакот на Иниеста 🎥
Фудбал Шпанија

Барселона играше пријателски натпревар против Висел Кобе – се беше во знакот на Иниеста 🎥

Објавено на 14:38, 06 June

Фудбалерите на Висел Кобе и Барселона денес одиграа пријателски натпревар кој воедно беше и последен за Андрес Иниеста во дресот на јапонскиот клуб.

Овој натпревар беше договорен од поодамна за на крајот на сезоната, а Чави ја искористи приликата да им даде шанса на дебитантите од Барса Атлетик и фудбалерите кои не играа многу во текот на сезоната.

Салах руши рекорди! Викендов две големи дербија во Премиер Лига! ↓↓↓

Најдобро се покажа Пабло Торе кој беше двоен асистент во 16-тата и 19-тата минута. Прво маестрално го проигра Кеси кој погоди за 1:0, а потоа од корнер го пронајде Ерик Гарсија кој погоди за 2:0.

Можеше да видиме и многу повеќе голови според шансите на двете страни, но резултатот не се промени во вториот дел.

Сепак резултатот на оваа средба беше во втор план, се беше во знакот на Андрес Иниеста. Пред натпреварот Иниеста се сретна со Чави и фудбалерите. На тренот беше до 81-та минута кога беше заменет и доби овации од целиот стадион.

Според досегашните најави, Иниеста нема да ја заврши кариерата и има понуди од МЛС лигата и Блискиот Исток.

Коментари
Прочитајте поврзани статии
Load More In Фудбал

Проверете

Познат терминот за Мундијалот за жени во 2027 година

Бразил во мај ја победи заедничката кандидатура на Германија, Белгија и Холандија за домаќ…