Барселона го сака Бака!

Шпанските медиуми пренесуваат дека Барселона е заинтересирана за напаѓачот на Милан, Карлос Бака.

Каталонците не се задоволни од учинокот на Пако Алкасер кој ова лето пристигна на „Камп Ноу“ за 30 милиони евра и на негово место го сакаат Карлос Бака.

Бака игра во одлична форма, но во јануари би можел да ја промени средината, а медиумите константно го селат во нов клуб. Неодамна се шпекулираше со интерес од страна на Арсенал, а сега во трката за неговиот потпис се приклучи и Барса.

Ако им се верува на шпанските медиуми Барса му понудила на Милан размена Бака – Пако Алкасер, па сега се чека одговор од страна на „росонерите“.