Барса се засилува од ПСЖ без пари

Барселона е заинтересирана за дефанзивецот на ПСЖ, Хуан Бернат, пренесуваат каталонските медиуми.

Договорот на 27-годишниот лев бек истекува на крајот на сезоната и до овој момент нема најави за продолжување на соработката со „светците“.

Барселона е спремна да ја искористи таквата ситуација и да го донесе Бернат без обештетување на лето.

Каталонците се во потрага по квалитетен лев бек, кој може да биде алтернатива за Алба и веруваат дека Бернат ќе биде идеално засилување.

Шпанецот има големо интернационално искуство и моментално е во најдобрите фудбалски години, па Барса ќе добие големо засилување без пари.

Притоа, доколку пристигне Бернат ќе биде продаден Жуниор Фирпо, а парите ќе бидат инвестирани за засилување на други позиции.