Барса купува ѕвезда од Премиер лигата, а тоа не е Кутињо!

Каталонците повторно ја активираа приказната.

Како што пишуваат англиските медиуми, фудбалскиот клуб Барселона на зима повторно ќе се обиде да го доведе играчот на Манчестер Јунајтед, Андер Ерера.

Наводно, Ернесто Валверде побарал од клубот засилување во средниот ред, а мета е неговиот миленик со кого соработуваше во Атлетик Билбао пред да се пресели во Манчестер Јунајтед. Ерера беше во втор план на стартот од сезоната, но сега повторно е на првото место во составот, бидејќи се повредени Погба и Фелаини.

Изгледа дека на Барса најмалку потребно им е засилување во средниот ред, но сепак изгледа дека Валверде не смета сериозно на неколку играчи. Арда Туран е одамна отпишан, Рафиња исто така би можел да си оди кога ќе се врати од повредата, а не е задоволен ниту од Андре Гомеш.

Ќе видиме дали Ерера ќе биде дополнителна конкуренција за Иниеста, Паулињо, бидејќи Роберто повторно е десен бек, додека Денис Суарез игра како крило.