Барса го сака Колумбиецот, „Старата дама“ сака трампа?

Колумбиецот, Хуан Квардадо е стара желба на Каталонците, но од Јувентус можеби го бараат невозможното.

Наводно Хуан Квардадо го одбил Арсенал, има договор до  2020 година, но доколку во клубот пристигнат Даглас Коста и Бернардески неговите денови во Торино веројатно се избројани.

Се јави Барселона која го сакаше Колумбиецот уште пред неколку години додека тој настапуваше за Фиорентина. Веројатно и Квардадо со задоволство би се преселил во Каталонија , но Јувентус го бара Андрес Иниеста во замена.

„Бледиот витез“ е голема желба на Алегри, има договор на уште една година, но тешко е да се верува дека Барселона ќе се откаже од неговите услуги пред да доведе адекватна замена.

Сепак и доколку се случи Барса да се откаже од Иниеста, Шпанецот сигурно дека би сакал повеќе да премине во Манчестер Сити каде што повторно би соработувал со Пеп Гвардиола.