Барди: Сите знаат дека Меси оди лево и никој ништо не му може

Енис Барди и Илија Несторовски вчера имаа разговор во живо на Инстаграм. Помеѓу темите Барди зборуваше и за приликата одблиску да игра и да ги види Роналдо и Меси.

Барди против Барселона и Меси имаше прилика да игра, против Каталонците дури и ја тресеше мрежата. Додека Роналдо го гледал од клупата за резерви. За него Меси е нешто посебно.

„Против Роналдо бев на клупа, не играв и не ми беше нешто „вау“, можеби и не му беше денот не знам, но Меси…Ти знаеш дека секогаш оди лево и не можеш ништо да направиш или ќе го фаулираш или ќе го оставиш да те помине. Тоа е нешто неверојатно.