Барди: Две децении сонуваме за пласман на ЕП

Поради пандемијата од коронавирус одложено е Европското првенство кое требаше да се игра ова лето, а со тоа и историскиот дуел помеѓу Македонија и  Косово во полуфиналето од Лигата на нации.

Македонскиот фудбалер Енис Барди вели дека и покрај паузата во светскиот фудбал, тој размислува за следниот меч на репрезентацијата.

Барди е задоволен што мечот е одложен бидејќи сака да се игра пред публика.

„Натпреварот против Косово ќе се игра во Скопје и ние сакаме да излеземе пред навивачи. Тој меч ќе биде историски за нас бидејќи сите чекаме за пласман на репрезентацијата на ЕП повеќе од 20 години“, вели Барди.