Балканска доминација: Дончиќ и Јокиќ редат трипл-дабл во НБА!

Никола Јокиќ и Лука Дончиќ продолжуваат да блескаат во своите тимови во НБА лигата. Во натпреварите изминатата вечер, тие остварија трипл-дабл и ги одведоа своите тимови, Денвер и Далас, до победа.

Актуелниот шампион, Денвер, успеа да го победи Торонто со 125-119, иако стартува со голем дефицит од 22 поени во првото полувреме и 21 поен во второто. Во втората четвртина, Репторс имаа значително водство од 64-42 и 66-44, а во третата имаа високи 21 поенски разлика (85-64). Меѓутоа, Денвер успеа да се врати и да ја превземе контролата во средината на последниот период (108-107). Во завршницата, Торонто се обиде да се врати во натпреварот, но Портер со погодена тројка ги уништи нивните надежи за пресврт.

Никола Јокиќ стигна до својот 21-в трипл-дабл во сезоната, освојувајќи 35 поени, 17 скока и 12 асистенции, додека исто така запиша и 6 украдени топки. Тој сега има само еден трипл-дабл помалку од Домантас Сабонис, кој држи првото место во оваа статистичка категорија. Мареј придонесе со 26 поени и 12 скока, додека Гордон и Портер завршија со по 12 поени.. На другата страна, кај Торонто, најдобар на теренот беше Берет со 26 поени, 9 асистенции и 7 скока, додека Олиника допринесе со 24 поени.

Лука Дончиќ стигна до својот седми трипл-дабл во низа што досега не му успеало на никој во НБА лигата. Во победата против Чикаго со 127-92, Словенецот постигна 27 поени, 14 асистенции и 12 скока и така ја потврди одличната форма во која игра изминатиот месец.

НБА РЕЗУЛТАТИ:

Детроит – Шарлот 114-97
Кливленд – Феникс 111-117
Чикаго – Далас 92-127
Сан Антонио – Голден Стејт 102-112
Денвер – Торонто 125-119
Портланд – Бостон 99-121