Баисуфинов: Натпреварот со Македонија за нас ќе биде големо искуство, дојдени сме да играме фудбал

Утре македонската репрезентација ќе го има последниот тест пред заминувањето на Европското првенство.

Казахстанците не се толку наивна селекција, а тоа го покажаа во квалификациите за Светското првенство одигрувајќи 1:1 против Украина која ќе биде во нашата група на Европското првенство.

Пред утрешниот натпревар денес прес-конференција за медиумите одржа селекторот на Казахстан, Талгат Баисуфинов. Тој најави дека во Скопје се дојдени по искуство.

„Утре очекувам добар натпревар кој за нас ќе биде едно големо искуство. Македонија е репрезентација кога ќе игра на Европското првенство и нормално дека е квалитетна. Ние дојдовме да играме фудбал и да видиме до каде сме“, изјави Баисуфинов.