Ајнтрахт – Интер: „Нероазурите“ под нокаут пламенот во Франкфурт!

Вчера завршија реванш натпреварите од првиот дел на 1/8 фналето на ЛШ, а веќе денес се соочуваме со дуелите од Лига Европа. За вас посебно го издвоивме дуелот Ајнтрахт – Интер кој сметаме дека е најголемо дерби за денес.

Фантастична сезона за Ајнтрахт

Нема што, фудбалерите на Ајнтрахт играат одлично оваа сезона и сметаме дека така ќе продолжат со цел да стигнат до трофеј, ако нигде на друго место, барем во германскиот Куп. Моментално оваа екпа во Бундеслигата се наоѓа на 5-то место и се на вистински пат да изборат пласман за Лига Европа, но сигурно е дека нема да се задоволат само со тоа. Во минатото коло направија важна победа против Хофенхајм, а многу важно е што до таа победа стигнаа во касните 90-ти минути. Во Лига Европа играат фантастично оваа сезона. Без поголеми проблеми ја поминаа групата и стигнаа до овој дел. Во 1/16 финалето од ЛЕ славеа во двомечот со Шахтјор, па поради сето тоа со многу добро расположение го дочекуваат овој дуел со Интер.

Турбулентна сезона за Нероазурите

Сигурно е дека навивачите на Интер можат да бидат задоволни од оваа сезона засега, бидејќи нивниот клуб се наоѓа на позиција која води во ЛШ. Искрено, овој клуб прикажува доста лоши партии во континуитет веќе цела сезона и играат по системот топло-ладно. Во минатото коло доживеаа нов неочекуван пораз од Каљари, додека пред тоа ремизираа против Фиорентитна, но за тој натпревар грешката ја бараа во судиите. Во ЛШ го завршија натпреварувањето бидејќи не им се поклопија коцките, па се префрлија во ЛЕ. Сега се пред исклучително тешко гостување, па ќе мора да играат малку поконцентирано.