Артета призна: Јас и семејството добиваме смртни закани

Менаџерот на Арсенал, Микел Артета на денешната пресконференција откри дека тој и неговото семејство добиваат смртни закани.

Артета нема големи успеси на кормилото на Арсенал, кој моментално е на 11-то место на табелата во Премиер лигата, а последните два порази ја прелеаа чашата.

Фановите се гневни на ситуацијата, а Артета откри дека добивал и смртни закани.

„Клубот е известен, се обидовме да преземеме нешто по тоа прашање. Очигледно е дека ќе мора да живееме со тоа и дека заканите нема така бргу да престанат“, истакна Артета.

„Мислам дека доколку би го читале сето она кои се пишува за нас на социјалните мрежи, веројатно со денови не би станале до кревет“, додаде Шпанецот.