Арсенал – Ливерпул: Дерби кое може да биде пресвртница за двата клуба

Блокбастер натпревар е на програмата во сабота, веднаш по последната меѓународна пауза – на стадионот „Емирати“ Арсенал е домаќин на Ливерпул во дербито на колото во Премиер лигата.

Две места и четири бода ги раздвојуваат двете екипи на табелата, Ливерпул во моментов го зазема седмото место, додека „топџиите“ се на деветтото место пред нивниот натпревар од 30-то коло сезонава.

Дефанзивните проблеми на Артета продолжуваат

Избраниците на Микел Артета влегуваат во овој дуел по нивниот нерешен резултат 3:3 со Вест Хем. Тој меч беше навистина неверојатен од секој можен аспект. Вест Хем имаше 3:0 веќе во 32-та минута. Сепак, во продолжението си дадоа два автогола, за Лаказет во 82-та инута д аги постави конечните 3:3.

Сепак и после големото резултатско враќање во тој меч, Артета не е задоволен, а ниту навивачите на тимот од Лондон.

Се продлабочија дефанзивните проблеи уште повеќе, па сега Арсенал прима барем по еден гол на последните 12 натпревари во сите конкуренции. Со една таква дефанзива, навистина е тешко да се замисли поволен резултат за нив против Салах, Мане …

Последен пат Арсенал не прими гол на 30-ти Јануари кога дома одигра 0:0 со Манчестер Јунајтед.

Како и да е, „топџиите“ успеаја да се снајдат во последните четири натпревари во Премиерлигата и се без пораз во таа серија во која славеа над Тотенхем и Лестер, а одиграа нерешено со Вест Хем и Барнли. Тоа значи дека во дерби дуелите се подобри, а овој меч е токму таков.

Гостинскиот терен за Ливерпул прераснува во предност

Што да се каже за Ливерпул. Колку што минатата сезона за нив беше импресивна, толку оваа сезона за нив е разочарувачка. Диого Јота беше стрелец на голот за победа во последното коло против Вулвс на гости. Пред тој меч Ливерпул славеше и против Лајпциг, па Клоп се надева дека репрезентативната пауза ќе дојде како позитивен шок за неговите фудбалери да се разбудат од зимскиот сон.

Со неверојатни 25 поени што ги делат шампионите од лидерот Манчестер Сити, тие веќе ја имаат загубено титулата, но останува битката за пласман на едно од првите четири места кое води во Лигата на Шампиони. Исто така, Клоп најави дека целосно ќе се посвети на Лигата на Шампиони каде веќе во вторник ги чека тешко гостување кај Реал Мадрид.

Тврдината наречена Енфилд, се распадна и во оментов Ливерпул многу подобро игра на гости отколку дома, па колку и да звучи неверојатно, гостинскиот терен за нив прераснува во предност