Арсенал ги надигра „Росонерите“ на „Сан Сиро“, Атлетико Мадрид очекувано славеше против Локомотив Москва (ВИДЕО)

Во терминот од 19 часот, во рамки на Лига Европа се одиграа четири натпревари.

Имено, Арсенал славеше кај Милан со 0:2, предност која ја понесе со себе уште од првото полувреме. Првиот погодок на мечот го постигна Михтаријан во 15. минута, а Ремзи го зголеми водството за „Топчиите“ во судиското продолжение од првиот дел, што беше и конечен резултат на мечот.

Атлетико Мадрид на домашен терен славеше против Локомотив Москва со 3:0 очекувано. Нигез го отвори резултатот со погодок во 22. минута. Во второто полувреме Коста зголеми на 2:0 во 47. минута, а последниот погодок на мечот беше дело на Коке во 90. минута, на асистенција на Хуанфран.

Борусија Дортмунд загуби пак од Салзбург изненадувачки на домашен терен со 1:2. Првото полувреме заврши без погодоци, а првите два погодоци ги постигна Бериша за гостите во само шест минути, односно 49. и 56. минута. Шурле пак ја намали негативата во 62. минута, но „Милионерите“ не успеаа да дојдат до израмнување, па и пресврт.

Во последниот меч, Лион славеше на гости кај ЦСКА со минимални 0:1, а единствениот погодок на мечот го постигна Марсело во 68. минута од мечот.

https://www.youtube.com/watch?v=7YfIu_vteDw