Анчелоти руши рекорди: Го прескокна Гвардиола

Реал Мадрид во вчерашниот натпревар од Суперкупот на Европа ја победи Аталанта и дојде до нова титула.

Со овој трофеј историја испиша и тренерот на „кралевите“, Карло Анчелоти. Италијанскиот стратег стана првиот кој успеал да освои пет трофеи во ова натпреварување и така зад себе го остави Пеп Гвардиола кој четири пати го освојуваше ова натпреварување.

Анчелоти првпат во Суперкупот триумфираше пред 21 година кога со Милан го победи Порто, а во 2007 година одново со Милан беше подобар од Севиља. Преостанатите три трофеи ги освојуваше со Реал, а ги победуваше Севилја, Ајнтрахт и сега Аталанта.