Анчелоти: Ако Реал го елиминира ПСЖ, нема кој да ги запре „кралевите“

Екс тренерот на Реал Мадрид, Карло Анчелоти ја коментираше играта и резултатите на „кралевите“ оваа сезона.

Анчелоти ја пофали играта на Реал против Валенсија на последниот меч и истакна дека тоа бил одличен одговор на критиките.

„Одговорија добро со играта и резултатот против Валенсија. Тимот не е во криза. Меѓутоа, сега единствено нешто што можат да освојат е Лигата на шампиони. Доколку Реал го елиминира ПСЖ ќе биде многу тешко да се запрат „кралевите“ бидејќи во тимот имаат еден играч кој не сака да губи“, изјави Анчелоти.

„Пари Сент Жермен располага со неопходниот квалитет за да го подигнат трофејот во ЛШ. Нејмар и Мбапе се неверојатно, но и тимот веќе има доволно искуство. На Реал ќе му биде тешко“, заклучи Италијанецот кој како прв фаворит во ЛШ го гледа Манчестер Сити.