Антиќ не заборава кој е и од каде доаѓа: Некогаш чартер летови за него беа ЈСП автобусите

Нашиот интернационалец, Перо Антиќ во свој стил отворено и оригинално сподели какви биле неговите почетоци, а за во иднина вели ќе го послуша советот на неговиот татко.

Антиќ во интервју за српскиот медиум sportske.net вели дека изминатава календарска година ќе ја памети по финалето во Евролигата со Фенербахче, но и кам бекот во Црвена Звезда по вторпат во неговата кариера. За Звезда вели дека му е мило што се вратил, а и дека неговиот тим е млад и ветува успех.

Интересно е што на едно сосем обично прашање, Антиќ се наврати на своите почетоци, вели: Не почнавме сите со чартери, туку со автобусите на ЈСП, а знам како беше во Звезда претходниот пат. Ќе се навикнеш, знаеш од каде доаѓаш и со хемијата која ја има овој тим забораваш на тие работи. Инаку Звезда од првиот пат е различна, по што се разликува? – По маркетингот и резултатите.

Перо Антиќ инаку во својата кариера се соочува првпат да има тренер кој е четири години помлад од него, па оттаму на прашањето како гледа на тоа вели дека тоа е најмалку важно, тренерот е тренер и тоа секогаш ќе биде така. За човекот кој ја предводи Звезда, Антиќ вели дека има познавање, но потребна му е трпеливост, со оглед на тоа дека првпат предводи тим во Евролигата, но донесе и резултати кои не беа очекувани.

Интересен е фактот што Перо Антиќ е еден од ретките кошаркари кои наидуваат на респект од сите поранешни екипи. Тоа се должи вели Перо на неговото врзување за екипата и пружањето на максимум секогаш на теренот, вели живее за тимот за кој игра во моментот и тоа екипите не го забораваат и го респектираат максимално.

Тамошниот медиум за крај го запраша и дали ова е негова последна сезона, на што Антиќ одговори: Да почекаме. Ќе играм кошарка додека уживам. Тоа ми го кажа татко ми кога почнував. Играј додека се смееш и уживаш.